స్వామి వివేకానంద స్పూర్తి వచనాలు, సామాన్యమైన సూక్తులు కావు. వాటిలో ప్రతి అక్షరానికి అక్షయమైన శక్తీ ఉంది. అవి వ్యక్తుల దౌర్బల్యానికి, ఆత్మన్యూనతా భావాన్ని పటాపంచలు చేస్తాయి. చదివిన ప్రతిసారి మనలో నూతన ఉత్తేజాన్ని నింపే ఆ వచనాస్త్రాలు మన దృక్పధాన్ని మారుస్తాయి. స్వామి వివేకానంద స్పుర్తివచనాలను అద్యయనం చేయడానికి, వాటిలోని తత్వాన్ని ఆకళింపు చేసుకుని, కొంతైనా ఆచరించడానికి వీలుగా, ఈ పుస్తకంలోని ప్రతి పుట మలచబడింది.

స్వామి వివేకానందకు భారతదేశమంటే అత్యంత ప్రీతి. ఈ ఆధునిక యుగంలో క్రొత్త ప్రొడక్ట్స్ ను ప్రవేశపెట్టే ముందు కంపెనీలు ఏ విధంగా మార్కెట్ రిసెర్చి చేసి వాటిని అమలు పరుస్తున్నారో అదే విధముగా స్వామి వివేకానంద దేశమంతా పాదయాత్ర చేసి దేశ పునరుద్ధరణకు మార్గాన్ని కనుగొన్నారు. దారిద్ర్యంతో బాధపడుతూ, సోమరితనంలో నిద్రిస్తున్న తన దేశాన్ని పునురుద్ధరించడానికి ప్రజలతో కార్యతత్పరత, అవిరామంగా కష్టపడి పనిచెయ్యటం మొదలైన గుణాలను పెంపొందించడం అత్యంత అవసరమని గుర్తించారు