గొప్ప వారసత్వం ఉన్న తెలుగు సాహిత్యంలోని ఆణిముత్యాలను సేకరించి, తెలుగు వారందరికీ అందుబాటులోకి తేవాలన్నది మా ఆకాంక్ష. ఉన్నత సమాజం కోసం అక్షరాక్షరం అగ్నికణమై జ్వలించిన మహోన్నత సాహితీమూర్తుల రచనా సర్వస్వాలను సామాన్య పాఠకులకు తక్కువ ధరకే అందజేయాలన్నది మా లక్ష్యం. ఈ పాతికేళ్ళ కథ ఒక రచయిత రచనా సర్వస్వం కాదు. ఒక సంస్థ పాతికేళ్ళ ప్రస్తాన సర్వస్వం. ఇది 1990 నుండి ప్రతియేటా ప్రచురిస్తున్న 25 వార్షిక కథాసంకలనాల సర్వస్వం. వీటిలో 159 మంది రచయితలు రాసిన 339 కథలు ఉన్నాయి. ఈ కథలన్నీ ఒకే సంకలనంగా తీసుకురావటం ద్వారా పాతికేళ్ళ తెలుగు సామాజిక, సాంస్కృతిక జీవితం పాఠకులకు కథారూపంలో అందుతుందని భావిస్తున్నాం